السلام عليكم و رحمة الله و بركاته

دكتور عندي سؤال بخصوص تلبيس الاسنان

أنا عندي السنين الأمامية اللي فوق كبيرة والفتحة بينهم على شكل 8 يعني متصلين من فوق و متباعدين من تحت و معوجين يعني كل واحد رايح على جهه و كمان طالعين على قدام شوي يعني مو مصفوفين مع باقي الاسنان و طبعا مشوهين مظهري ...خصوصا انه اسناني الباقية الحمدلله مضبوطة و مصفوفه بشكل مرتب...
رحت عند الدكتورة و نصحتني اني اسويلهم تلبيسة لأنه مافي حل ثاني ... على أساس انه السنين كبار و الفتحة المخصصة لهم صغيرة فما ينفع التقويم في حالتي و مالي غير التلبيس...فأنا الحين محتارة و ما ادري اذا كان الخيار هذا جيد و لا لأ ...مع العلم اني كثير حابة اصلح من مظهر أسناني ...هي قالتلي انها راح تسحب العصب منهم و تركب التلبيسة عليهم و عطتني خيارين لنوعين من التلبيس اما تلبيس بمعدن أو تلبيس تاني اعتقد اسمه زريكون أو شي يشبه هالاسم و طبعا الخيار الثاني أغلى من الأول ... شو الفرق بين النوعين؟

وكمان قالتلي انه لازم تشيل العصب من السنين و تحف السنين من الجنب و من تحت ....فهل هذا مؤلم و هل ممكن يأثر علي مستقبلا اذا شليت العصب و بالنسبة للتلبيس هل راح يفضل طول الحياه و ما يتغير أو ينكسر ...انا خايفة كثير لأنه عشان احط تلبيسة لازم اغير من السنين الاصليين و ما في رجعة بعد كذا ...هذا غير اني اسمع انه بعض الناس تصيبهم التهابات او تطيح التلبيسة ....و اذا بسويها هل لازم الدكتور اللي يسويها يكون متخصص تجميل اسنان و لا مو شرط ....

أنا حابة اسويها ...خاصة انه الحل هذا ارخص من التقويم و أسرع ...لكن أخاف أندم اذا سويتها


والحين انت شو تنصحني ....أسوي التلبيس و أتوكل على الله و لا لأ .... و شو تنصحني أي نوع من التلبيس اختار ...خاصة انه التلبيس راح يكون للسنين الامامية يعني لازم يكون مرتب ...
و اذا عندك نصيحة معينة تحب تقولي اياها عن التلبيس أو أي شي ممكن أسأله الدكورة في زيارتي القادمة ياريت تنصحني ....على فكرة انا عمري 27 سنه

وأعتذر للاطاله

أنا أفضل التقويم والعلم يفضل التقويم
أما التلبيس من مادة الزيركون فهو غير موجود بعد في معظم الدول العربية وبالطبع هو أفضل بكثير

الزريكون موجود عندنا في الامارات
يعني تنصحني اسوي الزريكون ... احسن من التقويم ؟

و اذا شليت العصب ممكن ياثر علي هذا الشي ... و هل الزريكون يثبت يعني يفضل طول الحياه و ما يطيح أو يسبب مشاكل في المستقبل ؟

المشكلة التي تحدث في التلبيسات لا علاقة لها بالمادة المصنعه منها دائماً ، رائحة الفم التي قد تظهر بعد تركيب التلبيسات للدكتور وللمخبري دور كبير في ظهورها
فالدكتور عندما لا يحضر ولا يأخذ قياس للأسنان بشكل جيد تأتي النتيجة غلط
والمخبري ايضاً عندما لا يصنع بشكل جيد ولا يأخذ بالمقاس الذي ارسله الدكتور ( بمعنى يعدل ) تأتي النتيجة غلط وتسبب روائح في الفم والتهابات اللثة
لذلك يجب أن تدوري على دكتور معروف وجيد قبل أن تدوري على المواد ( مع أنها لها دور اساسي )
وفقك الله...

اشكرك كثيرا يا دكتور
اذا كنت تعرف دكتور معروف و ممتاز في أبوظبي ممكن أروحله ....أرجو أن تنصحني به

شكراً

مع الأسف لا أعرف
شكراً لكي