السلام عليكم و رحمة الله وبركاته
أولا أحب اشكر حضرتك جدا على سعة صدرك و بأتمنى أني أجد اجابة على استفساراتي عند حضرتك

- من أي بلد أو دولة السائل .
مصر
- العمر .
24 سنة
- المهنة والدرجة العلمية .
بكالوريوس هندسة
- كيف تعرفت على موقعنا
من خلال محرك البحث جوجل
- مدخن أو غير مدخن .
غير مدخنة
- هل تعاني من أي أمراض .
لا الحمد لله

الاستفسار الاول :
انا من شهر كده كان عندي ضرس واجعني و روحت للدكتور وقالي محتاجة حشو عصب و هيعمل تركيبة ثابتة عشان الضرس اللي جمبه كنت خلعاه من 4 سنين و كمان قالي محتاجة تنضيف
المهم عملي جلستين تنضيف اثناء جلسات حشو العصب و بعدين أخد المقاسات و ركبت التركيبة
بس المشكلة انه بعد التنضيف و لما كان بياخد المقاسات حسيت الاسنان القواطع اللي من تحت بيوجعوني واللثة ملتهبة وقولتله وهو قالي ده من اثر الشغل اللي اشتغلناه بس
بس في اخر مرة روحتله وانا بركب التركيبة قولتله ان في سنة منهم حاسة ببداية خلخلة بسيطة جدا فيها راح قايلي هو مش انا كاتبلك على مضمضة و معجون DG care بعد جلسات التنضيف ؟؟ قولتله لأ راح كاتبلي عليهم بس اللي عرفته اني كان المفروض تقريبا استعملهم بعد التنضيف على طول عشان التهابات اللثة !

دلوقتي يا دكتور انا مشكلتي ان السنة دي بتتلخلخ بسيط و بتوجعني شوية بس الوجع قل خالص مع استخدام المعجون والمضمضة و انا خايفة ان السنة دي مع الوقت تقع و لا حاجة
وهل هي ممكن تثبت في مكانها تاني ؟؟ مع العلم ان الخلخلة بسيطة جدا وتقريبا مش باينة

الاستفسار التاني :
انا دلوقتي بقالي اسبوعين خالعة ضرس العقل بجراحة عشان كان مدفون جزئي وهو في الفك السفلي الجانب الشمال وفكيت الخياطة من كام يوم بس من بعد مافكيتها و انا حاسة ان الجرح لسه مقفلش اوي .. هل ده عادي ؟؟ و المفروض بياخد وقت قد ايه على مايقفل خالص ؟؟

وكمان التركيبة اللي ركبتها جمب ضرس العقل المخلوع ده على طول .. باكل على اول وحدتين في التركيبة عادي بس الوحدة الاخيرة اللي جمب ضرس العقل المخلوع ده و اللي تحتها ضرس مبرود لما بضغط عليها بحس بوجع فيها شوية .. هل ده عادي عشان الجرح جمبها لسه ماقفلش اوي ؟؟
وكمان من امبارح و انا حاسة ان الجرح شادد عليا زي مايكون حد بيشدني من ودني .. هل ده طبيعي برضو ولا لأ ؟؟
الدكتور اللي بروحله بيقولي كل ده هيروح مع الوقت بس انا حاسة اني مش طبيعية ونفسيتي تعبانة بسبب وجع أسناني ده وكمان لسه مش متعودة على التركيبة اوي و اطرافها من عند اللثة كده لونها اسود .. ده طبيعي ولا التركيبة كده فيها مشكلة ؟؟
مع العلم انها تركيبة بورسلين بمعدن

شكرا مقدما لحضرتك و آسفة جدا على الاطالة

السلام عليكم

أنا أرى أن كل التخوفات التي ذكرتيها لا تدع على القلق وكلام الدكتور بالأجمال صحيح
الضرس الطبيعي على جميع الأحوال يوجد فيه حركة وهذا أمر طبيعي
مكان القلع ووجع الأذن بعد قلع الضرس المنطمر أمر ممكن ولا خوف من ذلك إلا إذا كان شديد وكذلك الأسنان التي جانبه

شكرا لرد حضرتك وسعة صدرك
الحمد لله الوجع مش شديد لكنه يضايقني لاستمراره فترة طويلة

الوجع ممكن يستمر لفترة قد ايه يا دكتور ؟؟ وكمان الجرح المفروض يلتئم تماما بعد قد ايه ؟؟

اسبوع إلى 10 أيام