مرحبا ... كيفكن يا دكاترة ؟ عندي سؤال وياريت تجاوبوني لاني كتير خايفه مابتتخيلوا

القصه ومافيها انو قبل سنه تقريبا سني كان يؤلمني ورحت لطبيب اسنان شافو قال عصب وحفر السن ومابعرف شو عم يعمل يدخل اشيا متل اعواد بعتقد ويحكو بحس هيك من حركة ايدو ..

وبعدين وضع حشوة مؤقتة وقالي تعي بعد كم يوم ... طلعت من عندو كان الالم لايحتمل بعد ماخف البنج .. وبعد كم يوم تحسن وضعي وماعدت اشعر بألم ومارحتلو وع هالحال صارلي سنة وانا هامله الموضوع .. خلال هالسنة السن كان يؤلمني بين فتره وفتره بس مش الالم الذي لا يطاق ! كان الم عادي وكنت بطنشو ... وبعدين قررت عالجو بس اكتشفت اني حامل .. هلأ مابيجعني بس لما اضغط على اللثة من تحت السن بحس بألم خفيف ...

بس هلأ انا كتير خايفه .. عم فكر بقول الدكتور استعمل الطريقه الجديدة ولا حطلي مادة زرنيخ للعصب خاصه انو هالمادة مضرة للحامل ؟؟؟؟؟ اكيد بتعرفو من طريقة شغلو ... ياريت تقولولي بليز

والسؤال التاني : لو حطلي هالمادة عم فكر بخاف تكون موجودة في ضرسي لفترة طويله سنه تقريبا بخاف تضرني وهيك ..؟؟؟؟؟

ولو خلعت هالسن وكان في هالمادة هي .. هل مع جرح الخلع بتضرني المادة ؟؟؟

هل ممكن اذا في هالمادة تتسرب للثة او هيك شي ؟؟؟

بليز ياريت تردو علي ... خايفه كتير وعم فكر بالموضوع صارلي كم يوم ومش مرتاحة حاسه حالي مشوشه ...


بليز ماتهملو الموضوع عاجل وضروري

على كل حال أنتي غلطي كتير لأنك لم تتابعي العلاج عند الدكتور ، أما الموضوع الأهم فهو أنه يجب مراجعة نفس الدكتور لأنه هو الذي يعرف ماذا وضع في الضرس وما ما هي المشكلة بالأساس وكيف يمكن معالجتها ، يعني ما بهل بساطة ممكن أعطي رأي وخاصة أنك حامل الأن ، ويمكن أي غلط في فهم الموضوع أن يؤدي إلى كارثة بالنسبة للحمل .